O alcalde de Vigo cifrou en máis de medio millón de euros as medidas de reactivación económica que está a desenvolver o Concello. Axudas á contratación así como apoio e asesoramento a autónomos e pequenas empresas son algunhas destas accións, que se suman aos apoios de Zona Franca e aos da Deputación de Pontevedra.
A Xunta de Goberno Local aprobou a adxudicación da prestación do servizo que cubrirán 34 coidadores en toda a cidade para axudar a persoas que precisen axuda para actividades cotiás. O goberno local concedeu 34 axudas de emerxencia por valor de 8.630 euros.
A Xunta de Goberno Local validou este xoves as normas para a concesión de apoio económico para libros (por 110.000 euros) e para comedor escolar (por 1.095.000 euros, ampliable a 1.215.000 euros). Ademais, o orzamento municipal contempla outros 606.000 euros para bolsas de comedor a través de FOANPAS.