O acordo foi adoptado pola Xunta de Goberno Local celebrada este martes, segundo explicou o alcalde de Vigo, e dota con novos fondos a unha liña inicial de 922.000 euros que xa foi esgotada na atención ás necesidades sociais causadas pola pandemia.
Abel Caballero informou este mércores de que o Concello de Vigo recibiu nos últimos días un total de 375 solicitudes para ampliación de terrazas ou instalacións novas. A día de hoxe xa foron resoltas positivamente 325 das peticións. “Actuamos rápido e sabemos a importancia que ten para o negocio e o ocio”, sinalou.
O Concello habilitará de novo o servizo do Rexistro municipal para todos os trámites a partir do próximo 25 de maio. Haberá que solicitar cita previa e será obrigatorio o uso de máscara, cumprindo coas indicacións das autoridades sanitarias.
O alcalde mantivo este xoves un encontro cos responsables de 50 centros educativos concertados da cidade que manifestaron as necesidades dos estudantes que non poden atender as clases desde a casa e cos que tratou tamén a desinfección dos centros e o desenvolvemento do próximo curso.