O alcalde recibiu este mércores á nova directora do aeroporto de Vigo, a quen lle trasladou o obxectivo do Concello de "recuperar" os niveis de pasaxeiros "que nunca debeu perder", mantendo as rutas existentes sen descartar que Ryanair voe tamén a Madrid. Peinador suma ata setembro 816.000 viaxeiros, un 10,4% máis que no mesmo período do 2016.
Os vigueses non terán que pagar a auga utilizada para extinguir os incendios, tal e como avanzou o rexedor nunha rolda de prensa na que tamén deu conta do inicio dos traballos de avaliación das consecuencias do lume para o que se reunirá con representantes das comunidades de montes e das asociacións de veciños das zonas afectadas.
Con guías caracterizados como Concepción Arenal ou Cachamuíña amosarán a riqueza do cemiterio a grupos de 25 persoas dende esta fin de semana e ata o 12 de novembro. É preciso reservar praza na oficina de turismo da Estación Marítima.
O Concello vén de decretar a prohibición dos traballos na parcela situada na Avenida de Guixar 12 que contaba cunha comunicación previa de actividade. A empresa Transportes Crespo e Cousido ten 48 horas de prazo para cumprir a orde. <br />
O alcalde de Vigo, Abel Caballero, recibiu hoxe a unha representación da organización do XXII Cross Escolar Castro San Miguel, que se vai disputar este domingo (10:00 horas) no parque de Castrelos coa organización da Agrupación Deportiva Castro San Miguel e o patrocinio do Concello de Vigo, ademais de varias empresas privadas.