Abel Caballero apuntou que o proxecto do Centro Vialia "camiña extraordinariamente ben" coa previsión de que ADIF poida adxudicalo a finais deste mes e, sobre a ampliación do IFEVI, dixo que o Concello traballa "o máis rápido posible" para que estea lista no vindeiro Conxemar.
O alcalde recibiu este venres a deportistas viguesas, que lle entregaron o manifesto "A Igualdade dá Xogo" desde a "constatación" de que as mulleres teñen "máis presenza" no deporte. Caballero recordou que o Concello presta apoio "significativo" á promoción da igualdade e do deporte feminino.
Abel Caballero deu a coñecer o proxecto logo de reunirse este venres co novo director xeral de Galaxia, Francisco Castro. O libro de Carlos Casares será repartido entre 8.000 nenas e nenos vigueses.
Caballero informou este venres da aprobación das bases e da convocatoria dun programa municipal destinado a apoiar económicamente a aquelas persoas que non poden utilizar o transporte colectivo por razóns de discapacidade. En función da renda, cada usuario pode recibir ata 300 euros para desprazarse en taxis adaptados.
O goberno da cidade e o CSMVigo cooperan na organización dos concertos didácticos programados para este curso académico. Os días 7 e 9 de marzo, 600 alumnos e alumnas de doce colexios presenciarán "Heroes e Viláns Musicais", coa intervención da Banda de Música Sinfónica do Conservatorio e pezas de Tchaicovsky, Wagner e John Willians, entre outros.
A décimo-oitava edición da Gran Gala do Deporte de Vigo e a súa Comarca celebrarase o vindeiro día 23, xoves, ás 20:00 horas no Centro Cultural Afundación.