O Concello entregará a "Mami" en adopción a unha familia na que un dos seus membros ten necesidades educativas especiais, avanzou esta mañá o rexedor. Trátase dunha das seis cadelas coas que se presta terapia asistida a nenos e adultos. Este animal foi sacado da canceira e adestrado para prestar este servizo. <br />
A Asociación Española de Familias Numerosas recoñece a capacidade de Vigo para acoller o turismo das familias e a adaptación ás necesidades familiares dos seus equipamentos e servizos, destacando especialmente a praia de Samil.
O rexedor asinou esta mañá un convenio de colaboración coa Asociación de Mariñeiros Artesanais e Deportivos de Bouzas centrado nas actividades de formación e inserción laboral da mocidade de entre 18 e 25 anos, que imparten nas súas escolas-obradoiro, que están especializadas na construción naval. Ademais, Caballero valorou a oferta presentada por unha empresa para a construción da estación de Thom Mayne.
As paredes da Alcaldía lucirán nas próximas semanas as obras do artista vigués Santomé, cunha exposición que leva o nome do pintor. Caballero, durante a inauguración, eloxiou a calidade da obra e reiterou que o obxectivo de Mostrarte é colaborar a divulgar a expresión artística na nosa cidade.
Abel Caballero saudou no Salón de Plenos a un grupo de estudantes de quinto curso de Educación Primaria que, acompañados por profesores, visitaron este mércores as dependencias municipais da Praza do Rei dentro do programa "Coñece o teu Concello", co que o goberno local quere achegar a institución a toda a cidadanía. Así os máis pequenos tiveron a oportunidade de facerlle preguntas ao alcalde sobre a súa responsabilidade á fronte da cidade.
A flota de autobuses de Vigo locen un lazo rosa nos seus frontais para crear conciencia sobre esta doenza, no día que se celebra o Día Mundial contra o Cancro de Mama. Tal e como sinalou o alcalde, é preciso centrar a atención en cuestións tan importantes como a detección precoz.