O alcalde achegouse esta mañá á rúa Rosalía de Castro onde reiterou que esa humanización representa "o modelo de cidade que queremos". Durante a visita avanzou que nos próximos meses vaise iniciar a remodelación de todas as rúas adxacentes.
O alcalde avanzou esta mañá a previsión de que a próxima semana se aproben definitivamente as listas de beneficiarios das bolsas de inglés. Este mes de setembro serán 459 estudantes os que gozen dunha estadía no estranxeiro para aprender inglés.
Abel Caballero informou este mércores de que, a día de hoxe, un total de 856 presentaron a súa solicitude no Concello para optar ao Plan de Axudas extraordinarias a Familias, dotado con 2 millóns de euros para pagos de vivenda, enerxía e alimentación a aqueles que o precisan. O prazo está aberto ata o 9 de xuño.
O alcalde rubricou este mércores o convenio para sufragar o aluguer do local no que traballa actualmente a entidade, á espera de formalizar a cesión xa comprometida dun espazo municipal novo na rúa Palencia. Caballero asegurou que se trata dun "importante apoio" a IgualArte, institución que traballa con rapaces e rapazas con discapacidade intelectual a través das artes.
O alcalde saudou esta mañá a un grupo de alumnos de 5º y 6º de primaria (10-11 años) que visitaron o Concello para familiarizarse coa estrutura da administración local. Caballero destacou a bondade do programa "Coñece o teu Concello" e avanzou a súa vontade de reforzalo porque axuda aos rapaces a entender o funcionamento da cidade.
O mércores 27, ás 18.00 horas terá lugar na sede do Museo Liste-Etnográfico de Vigo unha nova proposta dentro do programa "Xornadas para a comunicación"