A edil de Economía e Facenda, Raquel Díaz, anunciou que o Concello baixará o recibo da auga na mesma medida que a Xunta suba o seu tramo. Así o explicou nunha rolda de prensa na apuntou que o obxectivo é que a taxa non se modifique "nin un céntimo", unha vez que fora conxelada, xunto co resto de impostos e prezos públicos.
Oito actuacións para nenos e outras tantas para adultos conforman a programación do Auditorio Municipal que arranca o venres, 1 de novembro. Carlos López Font presentou hoxe martes unha programación á que o Concello aporta 55.000 euros.
O próximo sábado 12 de outubro organízase en Vigo a III Escola Feminista de Implicadas no desenvolvemento, baixo o título de: feminismos e movementos sociais. As xornadas comezarán ás 10,15 horas no local deste colectivo, situado na rúa Barcelona, 86
A Fundación Igual Arte inaugura o Festival artístico 10º Aniversario que se celebrará o martes 8 de outubro ás 19.30h no Auditorio do Centro Cultural Fundación Novacaixagalicia de Vigo coa a estrea da película "65-80%".A entrada a este acto é gratuita. O Festival continuará os días 9, 10 e 11 de no AUDITORIO MUNICIPAL CONCELLO DE VIGO coa representación das obras gañadoras do Certame artístico Igual Arte nas categorías de teatro, danza, audiovisual, música e plástica.