Iberia Express decidiu atender á petición realizada por Caballero á compañía o pasado 4 de setembro en Madrid e asumirá a conexión con Madrid de primeira hora da mañá que deixou de operar Air Europa. Así, Peinador logra un voo ás 06:50h de luns a sábados, ademais do das 08:00h dos domingos.
Nunha reunión co novo presidente, Juan Manuel Urgoiti, o alcalde manifestou o "apoio" do Concello para manter a Pescanova como "unha gran empresa multinacional da pesca". En particular, Caballero manifestou o seu "desexo" de que a compañía conserve a sede na área viguesa, así como a actividade e os empregos.
Abel Caballero avanzou a aprobación de preto dun millón de euros para outorgar 3.600 bolsas de libros e comedor en infantil, primaria e secundaria. Así o dixo hoxe durante a inauguración do curso escolar no IES Alvaro Cunqueiro.