xoves, 27 xaneiro 2011

O concelleiro de Persoal cifra nun 6,1% o seguimento da folga no Concello de Vigo

Carlos López Font explicou este xoves que un total de 96 traballadores dos 1.575 empregados do Concello secundaron a folga convocada pola CIG en defensa do emprego e das pensións. O edil indicou que a situación é de "total normalidade" na cidade, con "algún altercado mínimo" en comparación con outros paros xerais. Font afirmou que a concesionaria de limpeza FCC cumpriu cos servizos mínimos pactados e o resto traballou "normalmente".

Mariño amosa "disposición" municipal para acordar coa Xunta de Galicia calquera modificación nos usos conveniados para a ETEA

xoves, 27 xan 2011

O edil de Urbanismo explicou que o Concello está disposto a estudar todas as propostas do goberno autonómico para a ETEA e recorda que calquera cambio sobre os usos establecidos no convenio asinado precisa dun novo acordo entre as partes. José Mariño reclamou á Xunta o plan sectoral da zona, do que o Concello non ten coñecemento, e recordou que o goberno local -que executa as obras na ETEA actualmente- "está aberto" a calquera proposta autonómica.

Este programa permitirá mellorar a contorna natural do parque empresarial para o goce dos traballadores e veciños da zona

O Concello, Zona Franca e as empresas do Parque Tecnolóxico apoian un programa de formación para mozas en risco de exclusión social

xoves, 27 xan 2011

As empresas integradas na Entidade Urbanística de Conservación do PTL, o Concello de Vigo e Zona Franca están apoiando a realización de cursos de formación para mozas en risco de exclusión social a través de aulas de formación en xardinería e servizos forestais. Este programa estase levando a cabo na súa vertente práctica nas zonas verdes do Parque Tecnolóxico e Loxístico de Vigo mentres que as clases teóricas impártense no edificio central de Texvigo.

Esta primeira exposición colectiva poderá ser visitada ata o próximo 26 de marzo

A Escola Municipal de Artes e Oficios abre un novo espazo expositivo no centro da cidade

xoves, 27 xan 2011

A nova sala de exposicións, Espazo EMAO, inaugúrase coa mostra colectiva "Proxecto Pintura" que poderá visitarse de martes a sábado. Será un espazo expositor continuo e dinámico, vinculado a todas as especialidades da EMAO. A institución recompón unha ponte sólida e duradeira coa cidadanía a través da apertura deste espazo.