O Concello espera lograr que arredor de 500 locais comercias do Casco Vello, a metade do total, sexan rehabilitados antes de acabar o ano. Para iso, a Concellaría de Comercio, en colaboración co Consorcio do Casco Vello e o Centro Comercial Aberto "Vigo Vello", porá en marcha un programa de axudas cun orzamento de 300.000 euros.
Expertos procedentes de Suecia, Finlandia e Reino Unido realizan unha visita de estudo na nosa cidade, os días 14 e 15, sobre o uso das novas tecnoloxías da información e a comunicación.
O Centro de Artesanía Tradicional (CAT) convoca, co gallo do Día das Letras Galegas, un concurso sobre artesanía tradicional que leva por título "Cousas dos avós". Poderán participar nel os alumnos de Terceiro Ciclo de Educación Primaria e do Primeiro de Educación Secundaria Obrigatoria.
O cine Salesianos acolle o mércores o inicio das xornadas dedicadas ao cine africano "Africa, na gran pantalla", coa proxección, a partir das 21:00, da película "Alí Zaoua, príncipe de Casablanca".