A Xunta de Goberno Local, reunida hoxe xoves con carácter extraordinario, decidiu destinar 274.000 euros cada ano aos gastos de reparación do buque Bernardo Alfageme. Ademais, resultou autorizado un gasto de 57.000 euros para a posta en funcionamento dun sistema remoto de almacenamento en rede para ampliar o sistema informático do Concello.
Membros da Corporación Municipal e cidadáns de Vigo sumáronse aos actos que tiveron lugar hoxe xoves no Concello co gallo do Día Internacional da SIDA, organizados polo grupo de autoapoio "O Imán".
A rúa González Sierra, no entorno das Travesas, abriuse ao tráfico tralo remate das obras de humanización que executou o Concello de Vigo en colaboración coa Consellería de Política Territorial da Xunta de Galicia cun investimento de 388.199 euros.<br />
A concelleira de Xuventude; Lucía Molares, ven de asinar un convenio con Renfe polo que sortearanse cinco billetes de Inter Rail para disfrutar antes de finais de 2006 entre ás persoas usurarias do Infobús.
O festival TRANSLITTERA recalará en Vigo, na sede da Fundación Laxeiro para continuar co seu labor de transgresión literaria e apertura cara outros medios de expresión. Patrocinado polo Consello da Cultura Galega, o festival é unha experiencia que, a través de cinco Fundacións espalladas por toda Galicia, amosa unha panorámica da creación poética galega máis contemporánea. A cita é o venres, desde as 20.00 horas ata as 23.00 horas.