O Departamento de Tráfico do Concello ultima os detalles da sinalización que regulará a circulación de camións de máis de 10 toneladas dentro do núcleo urbano de Vigo, a partir dunha proposta, elaborada en colaboración coa Universidade, que determina os percorridos admitidos para estes vehículos.
A Xunta de Goberno Local decidiu conceder subvencións por un importe total de 150.000 euros a setenta e tres entidades privadas sen ánimo de lucro de Vigo para o financiamento das actuacións de mellora das súas infraestructura e equipamentos desenvoltas en 2005.
A Concellaría da Muller está a distribuír entre os centros escolares de Vigo uns folletos titulados "Con nome de muller". Con eles, pretende facer que os nenos e nenas coñezan as figuras de 13 mulleres que dan os seus nomes a outros tantos topónimos do noso municipio.
O concelleiro de Mobilidade e Seguridade, Antonio Coello, asiste ao Congreso Español e Iberoamericano de Sistemas Intelixentes de Transporte (ITS), que se celebra en Málaga do 29 de novembro ao 2 de decembro e no que se decidirá a celebración da seguinte edición do ano 2006 en Vigo.
O Centro Cultural Caixanova acolle o mércores, día 30,, un concerto da soprano Teresa Novoa, acompañada ao piano por Alejo Amoedo. O concerto enmarcase na tempada de ópera "Lírica de Outono" que, baixo o patrocinio do Concello de Vigo e a Deputación de Pontevedra, está desenvolvendo os Amigos da Ópera de Vigo.