A alcaldesa, Corina Porro, entrevistouse hoxe mércores no Concello coa conselleira de Sanidade, Maria José Rubio, e o secretario xeral desta consellería, Antolín Rodríguez. Nesta reunión abordáronse dous temas principais: a construcción do novo hospital e a posta en marcha de novos centros de saúde.
A Oficina Municipal de Voluntariado, en colaboración coa asociación Fontaiña, organiza o próximo sábado 24 unha xornada de coñecemento da ría de Vigo, que terá lugar na praia de Fontaíña (Coruxo), co obxectivo de mellorar a formación dos seus voluntarios.
Convócase o Consello da Xerencia Municipal de Urbanismo para sesión ordinaria na sala de reunións da sede da Xerencia, o día 22 de setembro de 2005, ás 9:30 horas en primeira convocatoria, e media hora máis tarde en segunda, para tratar os seguintes asuntos.