Os párkings de Genaro de la Fuente, Areal e Villalaura serán os primeiros dos novos en construírse
Tanto o Goberno local como os grupos da oposición son partidarios de darlle prioridade á construcción dos párkings soterrados de Genaro de la Fuente, Areal e Villalaura, fronte aos de Rosalía de Castro, Castelao e Policarpo Sanz.
O concelleiro de Tráfico, Antonio Coello, falou de "consenso" á hora de informar sobre a postura alcanzada polos portavoces dos grupos políticos na reunión da comisión de seguimento dos novos aparcadoiros soterrados. Todos consideran prioritarios os de Genaro de la Fuente, Areal e Villalaura, dada a demanda de prazas de aparcamento nestas zonas.
Ademais, hai acordo en instar á confección dun programa de obras que combine os tempos e as zonas dos traballos para minimizar as molestias que os acompañan. Así mesmo, avógase por que o sistema tarifario dos novos párkings se cinxa, como suxeriu Xabier Toba, do BNG, "a unidades sensatas".
Neste sentido, Antonio Coello afirmou que a intención do Goberno local é establecer no prego de condicións tramos tarifarios de 15 minutos para a baixada de bandeira e de cinco para as seguintes fraccións. Falta por saber que decisión tomará o Ministerio de Sanidade e Consumo ao respecto.
Outro dos puntos en que existiu acordo entre todos os voceiros é o de considerar necesarios novos párkings en Teis, Balaídos e Bouzas.
Tras a reunión da comisión técnica, o portavoz do PSdeG-PSOE, Xulio Calviño, demandou mais prazas fixas para residentes, algo que, ao seu ver, fará máis fluído o tráfico na cidade.
Pola súa parte, o representante do PG, Manoel Soto, dixo botar en falta un planeamento integral dos aparcadoiros de Vigo que inclúa párkings exclusivos para residentes e aparcadoiros disuasorios.
Descargar todas as imaxes
Ademais, hai acordo en instar á confección dun programa de obras que combine os tempos e as zonas dos traballos para minimizar as molestias que os acompañan. Así mesmo, avógase por que o sistema tarifario dos novos párkings se cinxa, como suxeriu Xabier Toba, do BNG, "a unidades sensatas".
Neste sentido, Antonio Coello afirmou que a intención do Goberno local é establecer no prego de condicións tramos tarifarios de 15 minutos para a baixada de bandeira e de cinco para as seguintes fraccións. Falta por saber que decisión tomará o Ministerio de Sanidade e Consumo ao respecto.
Outro dos puntos en que existiu acordo entre todos os voceiros é o de considerar necesarios novos párkings en Teis, Balaídos e Bouzas.
Tras a reunión da comisión técnica, o portavoz do PSdeG-PSOE, Xulio Calviño, demandou mais prazas fixas para residentes, algo que, ao seu ver, fará máis fluído o tráfico na cidade.
Pola súa parte, o representante do PG, Manoel Soto, dixo botar en falta un planeamento integral dos aparcadoiros de Vigo que inclúa párkings exclusivos para residentes e aparcadoiros disuasorios.