A concelleira de Muller, Lucía Molares, asinou hoxe un convenio coa Asociación Rede de Mulleres Veciñais contra os Malos Tratos de Vigo para apoiar as accións na loita contra os malos tratos que este colectivo de recente creación ven desenvolvendo.
Jean Gaumy ( Pointaillac, Francia, 1948) expón a súa obra na Casa das Artes de Vigo entre os días 13 de maio e 4 de xuño, nunha mostra que trae a Fundación CaixaGalicia e colabora a concellería de Cultura. Gaumy é un dos fotógrafos actuais máis coñecidos que, por primeira vez, expón en España en colaboración con Magnum e a axencia Contacto. A exposición leva por título "Pleine mer".
A Xerencia Municipal de Urbanismo celebra sesión o xoves, día 13 de maio, ás 10 horas , na que se tratarán entre outros asuntos da contratación da asistencia técnica para redactar o Plan Especial Ensanche-Cidade Central de Vigo en substitución do actual PEEC de 1990.
A concelleira de Deportes, Lucía Molares, presentaba esta mañá o espectáculo deportivo protagonizado polos Harlem Globetrotters que se celebrará no pavillón de As Travesas o sábado 22 de maio ás 21 horas.