xoves, 23 outubro 2003

O Alcalde visita as obras de humanización de O Calvario

O Alcalde de Vigo, Ventura Pérez Mariño, visitou hoxe as obras de humanización de O Calvario para comprobar os resultados e o grado de aceptación veciñal que ten a peonalización da zona. Acompañado polo concelleiro de Tráfico e Vías e Obras, Xulio Calviño e Miguel Barros, respectivamente, e máis a presidenta da Asociación de Comerciantes de O Calvario, Encarna Álvarez, Pérez Mariño explicou que o último tramo das obras finalizou unha semana antes dos noventa días previstos inicialmente.<br />

A grafoloxía en Noites Vivas

xoves, 23 out 2003

O Centro Xuvenil da rúa Uruguai desenvolve un obradoiro de grafoloxía dentro do programa de actividades de Noites Vivas. O obradoiro levarase a cabo o venres, día 24 en horario de 23.00h. ata ás 01.00horas e amosarase aos participantes as principais pautas básicas que se empregan en grafoloxía para estudiar a escritura.

O MARCO presenta o "encontro de arte sonora"

xoves, 23 out 2003

O MARCO, Museo de Arte Contemporánea de Vigo, trae á nosa cidade unha das disciplinas culturais máis novidosas do último século, como é o audio ou arte sonora. A actividades denominase "Encontros de Arte Sonora" e terá lugar ós días 25 de outubro e 29 de novembro.

Anuncio de Educación

Oferta de prazas da Escola Municipal de Teatro

xoves, 23 out 2003

O Concello de Vigo oferta, en convocatoria aberta a todas/os as/os menores interesadas/os, as seguintes prazas para o curso 2003/2004: alumnado de educación primaria (6-12 anos): 38 prazas; alumnado de educación secundaria, bacharelato e ciclos formativos de grao medio (12-17 anos): 34 prazas.