luns, 13 out 2003
O concelleiro de Seguridade, Xulio Calviño, participou hoxe no colexio público Virgen del Rocio no inicio do curso de educación viaria que imparten policías municipais e que dura ata o mes de xuño do próximo ano. Nas clases infórmase ós alumnos sobre cómo andar seguros polas rúas, a manter limpa a cidade ou a usar o autobús.
luns, 13 out 2003
O alcalde Vigo recibiu a membros do comité organizador do Salón de Turismo, Expogalaecia , acompañados do presidente da Rexión de Turismo de Val do Minho, Francisco Sampaio e dunha ampla representación de alcaldes da Asociación de Municipios desa mesma zona que lle presentaron o programa que se desenvolverá no IFEVI de forma paralela a Vigoferia.
luns, 13 out 2003
A Comisión de Goberno acordou enviar para chatarra 108 vehículos depositados no recinto de Avenida de Madrid e que levará a efecto a empresa adxudicataria "Autodesguaces Vigo,S.L." a razón de 0,05 €/kg.
luns, 13 out 2003
O rexistro do Concello de Vigo tramita desde hoxe os documentos instantáneamente, de xeito que os usuarios obteñen o número de entrada da súa solicitude no momento no que ten lugar o sellado. Deste xeito racionalízase o traballo e asegurase a inmediatez das tramitacións.
luns, 13 out 2003
A Casa da Xuventude acolle dende o día 14 unha exposición titulada "O Traxe Tradicional en Galicia", a cargo do grupo O Fiadeiro. Esta asociación que xurde hai anos para promover o folclore galego realiza unha tarefa de conservación do tradicional dende diferentes puntos de vista.
luns, 13 out 2003
Patrimonio Histórico oferta ós colexios actividades no Centro de Artesanía Tradicional, dentro dun programa feito expresamente para os alumnos de seis a catorce anos que lles permitirá coñecer e participar do patrimonio cultural dos oficios artesáns.
