Declaración do Concello de Vigo sobre a guerra
O alcalde, Lois Castrillo, leu a declaración consensuada coa xunta de voceiros a favor da paz e do cese da intervención bélica.
xoves, 10 abril 2003
O Concello aproba unha permuta urbanística para evitar que se edifique na Bouza
xoves, 10 abr 2003O alcalde anuncia que os terreos da Bouza serán cualificados como zona verde no próximo Plan Xeral.
Vigovisións percorre 14 anos de evolución da fotografía
xoves, 10 abr 2003A mostra que se inaugura no Marco recupera a antiga sección da Fotobienal. A producción da exposición incluíu a restauración e catalogación das imaxes realizadas por fotógrafos de ámbito internacional arredor do paisaxe e influencia viguesa. As fotografías integran a Colección Fotográfica do Concello de Vigo.
A oficina de Estatística reforza o horario polas tardes para a obtención de volantes de empadronamento e posibles modificacións dos datos censuais
xoves, 10 abr 2003O Concello mantén aberto o departamento de Estatística para que os cidadáns poidan efectuar os cambios oportunos nos datos do censo electoral de cara os comicios do vindeiro 25 de maio e para a consecución de certificados de empadronamento para a inscrición dos escolares nos centro de ensino. O horario de apertura ao público é de 9:00 a 14:00 e de 17:00 a 19:30. O prazo para posibles reclamacións ou correccións presenciais remata o luns 14 de abril.
Escolares vigueses inícianse nas artes escénicas coa representación de teatro de marionetas
xoves, 10 abr 2003A Federación Olívica de Asociacións de Nais e Pais de Vigo, convoca o "I Certame de Títeres, Guiñois e Marionetas 2003", que se realizará o 6 e 7 de maio do 2003 no auditorio municipal coa colaboración da Concellería de Educación.
O auditorio do conservatorio acolle o segundo concerto de Música Sacra
xoves, 10 abr 2003O Conservatorio Superior de Música de Vigo será o escenario do segundo concerto do ciclo de Música Sacra que organiza a concellería de Cultura. O concerto que comezará as 20.30 horas estará a cargo de Teresa Novoa, Nuria Lorenzo e a Sinfoneta de Vigo.
Os deportes subacuáticos pechan o ciclo de conferencias audiovisuais "Natureza sen límite"
xoves, 10 abr 2003"O mundo subacuático" é o título da conferencia do ciclo "Natureza sen límite" organizado polo Club Montañeiros Celtas coa colaboración da concellería de Deportes que se celebrará o 11 de abril no paraninfo da Escola Universitaria de Enxeñeiros Técnicos Industrias (Peritos), a partir das 20:00 horas. Con esta charla péchase este ciclo de conferencias que trataron sobre a espeleoloxía, o kaiak de mar, o esquí de montaña e o descenso de canóns.
Homenaxe ás participantes do programa de deportes de maiores
xoves, 10 abr 2003A Semana dos Maiores remata o venres cunha homenaxe as persoas que participan no programa de deportes que leva a cabo a Concellería de Benestar Social. Durante cinco días realizaronse, no auditorio do Concello, concertos, exhibicións deportivas bailes e obradoiros.