Vigozoo aspira a superar os 110.000 visitantes en 2007
O concelleiro delegado de Vigozoo, José Manuel Couto, presentou hoxe martes o programa de actividades do parque da Madroa para 2007, do que dixo que pretende combinar "educación, investigación e conservación". Con este programa, Vigozoo aspira a superar a cifra de 110.000 visitantes rexistrada en 2006.
Como novidades para 2007, os que se acheguen ao parque poderán encontrar un museo sobre a historia do zoolóxico de Vigo, visitas guiadas de 30 a 60 minutos, un obradoiro de arqueoloxía e un programa de campamentos dirixido a nenos e nenas de 8 a 14 anos para que pernocten nas propias instalacións de Vigozoo. Outra iniciativa novidosa para este ano é o concurso de disfraces de entroido que se celebrará o sábado 17. Os participantes, que poderán ser de calquera idade, terán que visitar o zoo disfrazados de animais e así poderán entrar gratuítamente.
Por outra parte, en 2007 Vigozoo seguirá contando no seu programa con actividades realizadas xa en anos anteriores e que obtiveron un "grande éxito" de participación, segundo asegurou José Manuel Couto. Son actividades para público xeral como o toca-toca (co que se poden manipular varias especies de réptiles e insectos), o planetario e a exposición de astronomía, as proxeccións de documentais de natureza e iniciativas como o programa "Un día no zoo", para nenos e nenas de 8 a 14 anos, e as festas de aniversario para nenos de 4 a 14 anos.
Descargar todas as imaxes
Por outra parte, en 2007 Vigozoo seguirá contando no seu programa con actividades realizadas xa en anos anteriores e que obtiveron un "grande éxito" de participación, segundo asegurou José Manuel Couto. Son actividades para público xeral como o toca-toca (co que se poden manipular varias especies de réptiles e insectos), o planetario e a exposición de astronomía, as proxeccións de documentais de natureza e iniciativas como o programa "Un día no zoo", para nenos e nenas de 8 a 14 anos, e as festas de aniversario para nenos de 4 a 14 anos.