As primeira reservas para o concerto de Dani Fernández, esgotadas na quenda matinal
Abel Caballero avanzou que “pola tarde poñeranse 2.000 de xeito presencial e 500 online”. Engadiu que, finalmente, “en caso de non esgotarse, as reservas volverán a saír á venda, de xeito telemático, a partir das 20:00 horas”.
O alcalde confirmou que a venda das primeiras reservas para a actuación de Dani Fernández, o sábado 13 de xullo, “funcionou moi ben” e “esgotáronse”.
Esta tarde volverán saír 2.000 reservas de xeito presencial, que poderán adquirirse nas billeteiras de Castrelos, e 500 online a través de da web www.vigoenfestas.cliqueo.es. O horario de tarde será de 16:30 a 20:00 horas. Como indicou o rexedor “en caso de non esgotarse, as reservas volverán saír á venda, de xeito telemático, a partir das 20:00 horas”.
O alcalde vigués reiterou que cada persoa poderá retirar 4 reservas, pero este ano serán nominativas, co que terán que acudir cunha copia do DNI (ou outro documento identificativo) das persoas para as que se queira adquirir a reserva. O prezo das reservas de platea para o artista ciudadrealeño será de 10€.