Bouzas celebra o seu espectáculo piromusical o domingo 16 de xullo
O alcalde mantivo unha xuntanza coa comisión de festas de Bouzas para dar conta da programación que se estenderá do venres 14 ao martes 18. O domingo 16 será o espectáculo piromusical, que estreará o novo paseo de Bouzas.
Abel Caballero reuniuse coa comisión de festas de Bouzas para coñecer a programación que se desenvolverá do venres 14 ao 18 de xullo. Segundo explicou o alcalde, o pregón será o venres ás 21 horas xunto ao alumeado.
O espectáculo piromusical será o domingo 16 de xullo, “estreando o novo paseo de Bouzas”, tal e como sinalou o rexedor. Amais, haberá concursos como vén marcando a tradición, actuacións de bandas e grupos.