Xisco Feijóo súmase á programación do Entroido cun concerto na Porta do Sol
O alcalde anunciou esta mañá un segundo concerto dentro da programación do Entroido 2023. Xisco Feijóo actuará o sábado 18 na Porta do Sol sumándose súmase a un cartel que xa conta coa música das Tanxugueiras.
O sábado 18 de febreiro Xisco Feijóo actuará na Porta do Sol a partir das 21,00 h dentro do cartel do Entroido 2023 que este ano se estenderá desde o venres 17 ata o mércores 22. Este concerto servirá de colofón ao desfile de Comparsas e Carrozas que partirá ás 18,00 h desde García Barbón, percorrendo Policarpo Sanz ata o cruce coa rúa Reconquista. O programa deste ano arrancará o venres 17 ás 20,30 h coa música das Tanxugueiras que tamén actuarán na Porta do Sol.
