Escoitar

Concerto de canto do ciclo "Xeración 2000+3"

O Conservatorio de Música acolle un novo concerto do ciclo de música de novos intérpretes Xeración 2000+3 e que organiza a concellería de Cultura. Nesta ocasión o concerto será o xoves, ás 20.30 horas, a cargo da mezzosoprano Nuria Lorenzo López e do pianista Jesús Pardal. A entrada ó concerto é gratuíta.

mércores, 28 mai 2003
Nuria Lorenzo López, mezzosoprano
Naceu en Vigo. Diplómase na Universidade de Santiago de Compostela en maxisterio por lingua estranxeira (inglés) e comeza os seus estudios de música e canto na academia Escola Cantorum Santa Cecilia de Vigo.Máis tarde ingresa no Conservatorio Superior de Vigo onde cursa estudios de canto coa soprano Teresa Novoa.

En xaneiro de 2002 asistiu ó curso de "ópera italiana" impartido en Barcelona pola soprano Virginia Zeani, profesora de canto na Universidade de Indiana, Estados Unidos.Recentemente asistiu ó curso de canto e piano impartido polos pianistas Miguel Zanetti e Alejo Amoedo, a soprano Teresa Novoa e o tenor Jose Antonio Campo, que tivo lugar no balneario de Mondariz.

Jesús Pardal Sicilia,piano
Nace en Avilés (Asturias) onde comeza a estudiar piano coa pianista Pilar Lobo no Conservatorio Julián Orbón. Realiza o grao superior de piano no Conservatorio Eduardo Martínez Torner (Oviedo) coa concertista Mª Teresa Pérez Hernández.Asistiu a cursos de piano con Colom, Dupuy, Achucarro, Patín,e especificamente de repertorio de canto con Manuel Burgueras, Félix Lavilla e Susana Cardonet. Na actualidade perfecciona os seus estudios de repertorio baixo a dirección de Miguel Zanetti.

Deu concertos por diversas cidades de España como solista e como pianista de cámara. Actualmente traballa como pianista acompañante no Conservatorio Superior de Música de Vigo.

PROGRAMA
I PARTE
El paño moruno, Manuel de Falla
Jota, Manuel de Falla
Cinco canciones negras, Montsalvatge
1. Cuba dentro de un piano
2. Punto de Habanera
3. Chévere
4. Canción de cuna para dormir a un negrito
5. Canto negro

II PARTE
Che Faró (Orfeo e Euridice), Gluck
Cruda Sorte (L´italiana in Algeri), Rossini
O mio Fernando (A Favorita), Donizetti
Canción Andaluza (Dúo de la Africana) Guerrero
Tango (El año pasado por Agua) Chueca y Vaverde
Zapateado (La Tempranica) G. Jiménez