Caballero traslada a satisfacción de todos os alcaldes da Área ao acordar a súa posta en marcha definitiva
O Concello de Vigo enviará este mesmo mércores a súa conformidade a formar parte do transporte metropolitano, o último floco pendente para que o documento entre nas próximas dúas semanas no Parlamento e poida ser aprobado antes das vacacións do verán. Caballero mantivo esta mañá un encontro cos seus homólogos da Área no que se "escenificou o acordo total" para a posta en marcha do ente supramunicipal.
Abel Caballero mantivo esta mañá un encontro cos alcaldes que queren formar parte da Área Metropolitana, a excepción de A Cañiza e Cangas, que non puideron acudir por causas persoais. Si estaban presentes os rexedores de A Guarda, As Neves, Baiona, Fornelos de Montes, Gondomar, Moaña, Mondariz, Mos, Nigrán, O Porriño, Pazos de Borbén, Ponte Caldelas, Redondela, Salceda de Caselas, Salvaterra de Miño, Soutomaior, Tomiño, Tui e Vilaboa e todos eles "escenificaron o acordo total" da posta en marcha da Área Metropolitana e da incorporación de Vigo ao transporte metropolitano nas mesmas condicións que está a funcionar en outras zonas de Galicia.
Neste senso, Caballero explicou que este mesmo mércores enviará á Xunta unha carta aceptando a súa entrada no transporte metropolitano, co que se cumpren todos os compromisos adquiridos ao longo das reunións previas que se mantiveron entre os alcaldes nos últimos meses. Respecto desta incorporación, Caballero apuntou a posibilidade de condicionala a que a Xunta aprobe a lei, aínda que ratificou o compromiso da cidade de "estar na cooperación" con outros concellos.
"Hoxe, de facto, a Área Metropolitana viu toda a luz verde", e engadiu que todos os alcaldes amosaron a súa satisfacción porque "é un gran avance para 600.000 persoas que se van beneficiar de máis e mellores servizos". Trátase, dixo, "dunha decisión política para un século que vai cambiar o mapa de Galicia e de España".
Respecto do previsible calendario para a constitución do ente, Caballero avogou porque a lei entre no Parlamento nas próximas dúas semanas para poder ser aprobada na última sesión plenaria antes do verán, o 13 ou 15 de xullo. Se se publicara ao día seguinte, proseguiu, estaría en vigor o 15 ou o 16 de agosto e ata o 23 de setembro correspondería facer o nomeamento dos edís representantes de cada concello. O 25 de outubro estaría constituída a Área e nesa mesma reunión se acordaría a ampliación dos 14 aos 23 solicitantes, aínda que este número pode ampliarse posto que hai outros concellos que xa solicitaron á Xunta a súa incorporación.
Tamén se referiu o rexedor vigués a tres aspectos que deberían ser parte do texto. O primeiro é que Vigo, como capital da Área, debería ter servizos e tratamentos equivalentes a unha capital de provincia", argumentando que será a capital dunha área de 600.000 habitantes, malia que esta cuestión "non será unha liña vermella" para cerrar o proceso.
A segunda cuestión é que a conectividade territorial non sexa condición imprescindible para ser membro da Área porque, para Caballero, iso "significa que O Rosal decide que A Guarda estea ou non" no ente supramunicipal, con un agravante máis a ter en conta que é que se un "municipio nexo abandona a Área", algo contemplado no texto da Lei, o outro concello tamén tería que marcha porque quedaría sen esa conexión territorial. "É unha cuestión técnica, non política pero debería terse en conta".
O último dos aspectos, fai referencia á financiamento xa que Caballero avanzou que proporá na FEMP que as áreas metropolitanas participen dos impostos e do Fondo de Cooperación do Estado, así como dos ingresos das CCAA, tal e como determinan as leis. Na súa opinión estes entes son o mellor exemplo de xestión conxunta, tal e como se contemplaba para as agrupacións de concellos. Esta participación debería formar parte da lei de financiamento como unha posible fonte de financiamento, tal e como aparece nas áreas de Barcelona.
Descargar todas as imaxes
Neste senso, Caballero explicou que este mesmo mércores enviará á Xunta unha carta aceptando a súa entrada no transporte metropolitano, co que se cumpren todos os compromisos adquiridos ao longo das reunións previas que se mantiveron entre os alcaldes nos últimos meses. Respecto desta incorporación, Caballero apuntou a posibilidade de condicionala a que a Xunta aprobe a lei, aínda que ratificou o compromiso da cidade de "estar na cooperación" con outros concellos.
"Hoxe, de facto, a Área Metropolitana viu toda a luz verde", e engadiu que todos os alcaldes amosaron a súa satisfacción porque "é un gran avance para 600.000 persoas que se van beneficiar de máis e mellores servizos". Trátase, dixo, "dunha decisión política para un século que vai cambiar o mapa de Galicia e de España".
Respecto do previsible calendario para a constitución do ente, Caballero avogou porque a lei entre no Parlamento nas próximas dúas semanas para poder ser aprobada na última sesión plenaria antes do verán, o 13 ou 15 de xullo. Se se publicara ao día seguinte, proseguiu, estaría en vigor o 15 ou o 16 de agosto e ata o 23 de setembro correspondería facer o nomeamento dos edís representantes de cada concello. O 25 de outubro estaría constituída a Área e nesa mesma reunión se acordaría a ampliación dos 14 aos 23 solicitantes, aínda que este número pode ampliarse posto que hai outros concellos que xa solicitaron á Xunta a súa incorporación.
Tamén se referiu o rexedor vigués a tres aspectos que deberían ser parte do texto. O primeiro é que Vigo, como capital da Área, debería ter servizos e tratamentos equivalentes a unha capital de provincia", argumentando que será a capital dunha área de 600.000 habitantes, malia que esta cuestión "non será unha liña vermella" para cerrar o proceso.
A segunda cuestión é que a conectividade territorial non sexa condición imprescindible para ser membro da Área porque, para Caballero, iso "significa que O Rosal decide que A Guarda estea ou non" no ente supramunicipal, con un agravante máis a ter en conta que é que se un "municipio nexo abandona a Área", algo contemplado no texto da Lei, o outro concello tamén tería que marcha porque quedaría sen esa conexión territorial. "É unha cuestión técnica, non política pero debería terse en conta".
O último dos aspectos, fai referencia á financiamento xa que Caballero avanzou que proporá na FEMP que as áreas metropolitanas participen dos impostos e do Fondo de Cooperación do Estado, así como dos ingresos das CCAA, tal e como determinan as leis. Na súa opinión estes entes son o mellor exemplo de xestión conxunta, tal e como se contemplaba para as agrupacións de concellos. Esta participación debería formar parte da lei de financiamento como unha posible fonte de financiamento, tal e como aparece nas áreas de Barcelona.