Escoitar

Aromaterapia, Scalextric e globoflexia nas Noites Vivas

xoves, 14 nov 2002
Por terceira fin de semana consecutiva, este venres e sábado volverán celebrarse as Noites Vivas da Concellería de Xuventude. Este ano o programa ten como novidades a súa estabilidade, xa que haberá actividades durante todo o curso, e a necesidade de mercar un carné para participar. O carné, que custa 6 euros, permite tomar parte en tódolos sorteos e tivo boa acollida entre os mozos.

A maioría das actividades comezarán entre ás 22.00 e as 23.00 horas, aínda que algunhas desenvolveranse dende as 18.00.

Programación do venres 15 de novembro:

–Centro Xuvenil Municipal da Rúa Uruguai: aromaterapia, cociña básica, selfservice (obradoiros libres de chapas, cestería, pintado de camisetas. etc.), sala de xogos e sala de internet.
–Pavillón do Berbés: bailes de salón, globoflexia, musculación, squash, king ball (balón xigante).
–Asociación Xuvenil Abertal: Faino ti mesmo (obradoiros libres de chaveiros de coiro, pulseiras de fío, papiroflexia, etc.), futbolín, internet, sala multiusos, PIX.
Asociación de Veciños de Beade: cíber, bailes de salón, cine (La banda del patio)
–Asociación de Veciños Doutor Fleming: murais, xogos de mesa, internet, tatuaxes de henna.
–Espacio Xove do Castro: obradoiro de repuxado en coiro, campionato de xogos na rede.
–Club Slot de Vigo: Scalextric.
–Praza Elíptica: clown, bailes latinos, obradoiro de candeas.
–Piscina de Travesas: acuaróbic.
–Plan Comunitario de Teis: decoración de vidrio, sales de cores.

Programación do sábado 16 de novembro:

–Centro Xuvenil Municipal da Rúa Uruguai: masaxe (reflexoterapia), selfservice (obradoiros libres de chapas, cestería, pintado de camisetas. etc.), sala de xogos, internet.
–Asociación Xuvenil Abertal: obradoiro de pirogravado, misión imposible, futbolín, internet, sala multiusos, PIX.
–Pavillón de Coia: paint ball, aerobic funky.
–Asociación de Veciños de Lavadores: obradoiro de percusión, obradoiro exhibición de breakdance, manga, rol.
–Espacio Xove do Castro: obradoiro de repuxado en coiro, campionato de xogos na rede.