O alcalde amosou a súa "vontade" de incrementar as axudas para estudar inglés en Inglaterra
Coincidindo coa saída ás illas británicas dos últimos alumnos becados polo Concello, Caballero anunciou a "vontade" municipal de non recurtar este programa e incluso poder incrementar o número de estudantes vigueses que poidan mellorar o inglés no estranxeiro. Nos últimos días partiron un total de 447 alumnos de Secundaria cunha bolsa do Concello.
O alcalde de Vigo, Abel Caballero, acudiu este xoves ao aeroporto de Vigo para despedir á ultima quenda de alumnos de Secundaria que viaxan a Inglaterra para mellorar o seu nivel de inglés cunha achega do Concello de Vigo.
Xunto aos que voan hoxe desde Peinador, o total de beneficiarios do programa municipal "Vigo en Inglés" deste ano estará en torno ao medio millar de alumnos e alumnas de Vigo, incluíndo estudantes da sede viguesa da Escola Oficial de Idiomas.
Caballero indicou que está a recibir peticións para que este programa non sufra recurtes, ante o que o alcalde asegurou que "na nosa vontade non só non está non recurtar senon con toda probabilidade aumentar as bolsas de inglés nun número moi imporante".
Descargar todas as imaxes
Xunto aos que voan hoxe desde Peinador, o total de beneficiarios do programa municipal "Vigo en Inglés" deste ano estará en torno ao medio millar de alumnos e alumnas de Vigo, incluíndo estudantes da sede viguesa da Escola Oficial de Idiomas.
Caballero indicou que está a recibir peticións para que este programa non sufra recurtes, ante o que o alcalde asegurou que "na nosa vontade non só non está non recurtar senon con toda probabilidade aumentar as bolsas de inglés nun número moi imporante".