O Pleno ratifica o acordo sobre a ordenación da praza da Independencia
O Pleno da Corporación municipal de Vigo ratificou, a petición do grupo popular, o acordo sobre a ordenación da praza da Independencia aprobado polo mesmo órgano en maio do pasado ano. Partido Popular e Provi apoiaron ese acordo, o grupo socialista abstívose por considerar innecesaria a súa ratificación e o grupo do BNG votou en contra ao amosarse partidario da peonalización total da praza de forma permanente.
O acordo de 21 de maio de 2001 ratificado agora establece que na praza da Independencia haberá tres carrís de circulación: dous en sentido Travesas-Centro e un para transporte público en sentido Centro-Travesas. Ademais, o acordo prevé a ampliación da beirarrúa de Álvaro Cunqueiro, xa executada: a adaptación do sistema semafórico da praza: e a peonalización dos treitos das rúas Pintor Colmeiro, Regueiro e Pintor Lugrís próximos á praza limitando o acceso de vehículos aos garaxes e ás emerxencias.
O alcalde afirma que manterá o seu decreto
Trala sesión, o alcalde, Lois Castrillo, afirmou que manterá o decreto que asinou o mes pasado no que establecía a peonalización total da praza da Independencia os sábados, días festivos, o mes de agosto e as festas do Nadal. O alcalde dixo que se sinte lexitimado, xurídica, política e socialmente para defender ese decreto e anunciou que só o revisará no caso de que se decida aumentar o grao de peonalización da zona. Lois Castrillo lembrou que as competencias sobre regulación do tráfico son súas e amosouse convencido de que co seu decreto interpreta un sentir maioritario dos veciños que, na súa opinión, desexan contar con máis espacios libres sen vehículos preto das súas casas.
Descargar todas as imaxes
O acordo de 21 de maio de 2001 ratificado agora establece que na praza da Independencia haberá tres carrís de circulación: dous en sentido Travesas-Centro e un para transporte público en sentido Centro-Travesas. Ademais, o acordo prevé a ampliación da beirarrúa de Álvaro Cunqueiro, xa executada: a adaptación do sistema semafórico da praza: e a peonalización dos treitos das rúas Pintor Colmeiro, Regueiro e Pintor Lugrís próximos á praza limitando o acceso de vehículos aos garaxes e ás emerxencias.
O alcalde afirma que manterá o seu decreto
Trala sesión, o alcalde, Lois Castrillo, afirmou que manterá o decreto que asinou o mes pasado no que establecía a peonalización total da praza da Independencia os sábados, días festivos, o mes de agosto e as festas do Nadal. O alcalde dixo que se sinte lexitimado, xurídica, política e socialmente para defender ese decreto e anunciou que só o revisará no caso de que se decida aumentar o grao de peonalización da zona. Lois Castrillo lembrou que as competencias sobre regulación do tráfico son súas e amosouse convencido de que co seu decreto interpreta un sentir maioritario dos veciños que, na súa opinión, desexan contar con máis espacios libres sen vehículos preto das súas casas.