Escoitar

O alcalde indica que a expropiación dos terreos marca o "futuro" do aeroporto de Vigo

Este martes, AENA procedeu ao levantamente das actas previas á ocupación dos terreos afectados polo Plan Director de Peinador, "o futuro" do aeroporto vigués que inclúe o novo aparcamento de 2.500 prazas xa rematado e as obras "moi avanzadas" para a nova terminal de pasaxeiros. Caballero subliñou ademais que este trámite permitirá saldar a débeda que ven "de anos atrás" cos comuneros de Cabral, por valor de 7,2 millóns.

martes, 8 nov 2011
1320767852actas.jpg
O alcalde de Vigo, Abel Caballero, explicou que a expropiación dos terreos en Peinador permitirá saldar a débeda de 7,2 millóns de euros cos comuneros de Cabral e debuxar "o futuro" do aeroporto.

Este "futuro" do aeroporto vigués inclúe, segundo manifestou Caballero, as obras xa concluídas do estacionamento de avións, as 2.500 prazas do novo aparcamento de vehículos, a ampliación da pista e a nova terminal de pasaxeiros, cuxas obras atópanse "moi avanzadas". A este respecto, o rexedor adiantou que na primavera poderá trasladarse a terminal ao novo edificio para continuar a construción nos terreos da actual.

Por outra banda, co levantamento das actas rubricadas hoxe, o Ministerio de Fomento, a través de AENA, salda "un reto pendente desde hai 12 anos", ademais de dar resposta á débeda cos comuneros de Cabral.
Descargar todas as imaxes