Escoitar

A Escola Municipal de teatro presenta o programa "A Telón Quitao"

Esta iniciativa didáctico-teatral é un espazo aberto á creatividade no que o alumnado mostra as<br /> súas propias creacións artísticas e a primeira cita é o venres 28 ás 18,30 hs. no Auditorio da<br /> EMAO- Escola Municipal de Artes e Oficios-

mércores, 26 out 2011
1319621531telon.jpg
O obxectivo deste programa é ofrecerlle ao/a alumno/a un espazo de creación teatral libre, onde poida dar renda solta á súa creatividade, ademais de permitirlle subir ao escenario e enfrontarse ao público antes de participar na mostra de final de curso.

Este programa pretende potenciar a expresividade e a creatividade do/a alumno/a, e, para iso, potenciase a súa participación nestas mostras utilizando a menor cantidade de elementos de significación teatral externos ao actor/actriz, como a luz, a escenografía, o son etc. Preténdese fundamentalmente que o/a alumno/a utilice a súa voz e o seu corpo como elementos de significación fundamentais na súa proposta creativa.

Os traballos serán de varios tipos: improvisacións, traballos de interpretación, escenas musicais, mostras de expresión corporal......

Este mostra desenvolverase un venres de cada mes e a primeira cita para este curso escolar 2011-2012 será próximo venres, 28 de outubro no auditorio da Escola Municipal de Artes e Oficios "EMAO", sito na rúa García Barbón, nº5, ás 19:00 horas. A entrada será libre e gratuita ata completar o aforo.
Descargar todas as imaxes