Escoitar

O concelleiro Carlos Príncipe asina un convenio coa Zona Franca para o patrocinio do Festival Are-More

luns, 5 nov 2001
O concelleiro de Cultura, Carlos Príncipe, e o delegado do Consorcio da Zona Franca, Pablo Egerique, asinaron un convenio para o patrocinio do Festival Are-More. A Zona Franca financiará con 5 millóns de pesetas os concertos que se realicen na sala de concertos Martín Códax do Conservatorio Superior de Música de Vigo.

Con este convenio, a Zona Franca amosou o seu interese no potenciamento da cidade de Vigo e das actividades culturais que se realizan nela e de forma particular nas programadas pola Concellería de Cultura, coincidindo nos obxectivos de achegar a cultura á cidadanía e de proxección exterior da cidade.