Escoitar

O Goberno de España compromete 30 millóns para iniciar as obras de ampliación da AP-9

A vicepresidenta do Goberno de España, Mª Teresa Fernández de la Vega, anunciou hoxe mércores en Vigo que a Administración Estatal destinará 30 millóns de euros para iniciar os traballos de ampliación da Autopista do Atlántico, que inclúe a Ponte de Rande.

mércores, 11 feb 2009
A vicepresidenta do Goberno de España, María Teresa Fernández de la Vega, anunciou este mércores o inicio dos traballos de ampliación da AP-9 nos accesos a A Coruña e a Vigo -na Ponte de Rande-, para o que investirá 30 millóns de euros.

No transcurso da súa intervención na posta en marcha das tuneladoras do acceso norte da Alta Velocidade, De la Vega indicou que "o Goberno de España está plenamente comprometido coa mellora da mobilidade nesta terra, e moi concretamente coa ampliación da AP 9".