Arrancan as XIV Xornadas Municipais de Teatro Escolar
O rexedor achegouse esta mañá ao Auditorio Municipal, epicentro das XIV Xornadas Municipais de Teatro Escolar, levadas a cabo pola Escola Municipal de Teatro de Vigo. Nesta actividade, varios centros de ensino de educación Primaria da cidade, terán a oportunidade de presentar diversas pezas teatrais, desenvolver a súa faceta artística participando como actrices e actores. As representacións terán lugar os días 6, 7, 8 e 9 de maio a partir das 10:00 h da mañá, asistindo como público tamén o alumnado dos centros educativos. Abel Caballero animou a nenos e docentes a "gozar da marabilla do teatro".
