O goberno local adxudica as obras do parque de Navia

Abel Caballero deu conta da aprobación na Xunta de Goberno de mañá da contratación das obras para o novo arborado e reordenación do parque de Navia, Nelson Mandela, cun importe de 1.500.000 euros e un prazo de execución de 5 meses. “É unha adaptación desde o punto de vista paisaxístico, con conexión á rúa Teixugueiras”, informou o rexedor.

Tal e como recolle a memoria do proxecto, a actuación contempla a mellora das conexións entre os espazos interiores do parque coa rúa Teixugueiras, a implantación de xardinería e arborado, a reordenación do parque por zonas: auditorio ao aire libre, xogos de Teqball, zona canina, labirinto vexetal, zonas de relax e lectura, zonas de esculturas; a renovación da rede de rega e a instalación de novo mobiliario urbano.

Piscina de Travesas

O alcalde tamén deu conta da contratación da renovación das instalacións da piscina de Travesas cun importe de case 700.000 euros e un prazo de execución de 2 meses. O obxectivo é mellorar as instalacións térmicas e eléctricas da piscina con novos equipos de deshumectación do aire dos espazos con recuperación de calor, novas caldeiras e bomba de calor e medidas de eficiencia enerxética. Tamén lembrou Caballero que recentemente se aprobou o proxecto para a reforma da piscina de Teis, para a que o goberno local adicará “millóns de euros”.

Parque de bombeiros

Outro dos asuntos que se aprobarán na Xunta de Goberno deste venres será a contratación do mobiliario cun importe de 150.000 euros. Caballero puxo en valor a renovación das instalacións de bombeiros estes anos, co novo parque en Tomás Alonso, actualmente en execución, y que ten un importe de case 3 millóns de euros. Amais, lembrou que no 2015 se renovaron as instalacións do parque de bombeiros de Teis cun importe de 1.364.000 euros.