O goberno municipal recoñece o labor do voluntariado municipal
No Día Internacional dos Voluntarios, o Concello quixo recoñecer o valor do traballo que desenvolven as arredor de 800 persoas que participan na acción social na cidade da man do goberno da cidade.
![](https://xornal.vigo.org/storage/images/opt/EKVI4jSHHGs96JezpEuI9AYAfLbzcLNlfYpBuYbG.jpeg)
No acto celebrado no Auditorio Municipal da Praza do Rei, o alcalde entregou os diplomas ás persoas que durante os últimos meses estiveron formándose en diferentes áreas: Iniciación Básica ao Voluntariado, Alfabetización dixital e trámites on-line coa administración, Voluntariado na intervención con mulleres en situación de risco de exclusión social, Autoliderado e xestión de emocións, Habilidades de comunicación e manexo de situacións difíciles ou Primeiros auxilios avanzado.
A oficina de voluntariado do Concello de Vigo conta 800 persoas rexistradas que participan en diferentes accións que eloxiou Abel Caballero: “están presentes en tódolos actos importantes da cidade, apoian a asociacións, colectivos de acción social, están en eventos culturais e deportivos, e forman parte do nervio de Vigo que traza tantas actuacións na cidade”.
Amais explicou que o goberno municipal colabora directamente con máis dunha vintena de asociacións que piden voluntarios e realiza charlas cidadás para prevención de adicións, para evitar condutas de risco, ensinanzas TIC...
![](https://xornal.vigo.org/storage/images/opt/EKVI4jSHHGs96JezpEuI9AYAfLbzcLNlfYpBuYbG.jpeg)
![](https://xornal.vigo.org/storage/images/opt/Lldor3YaHuiMJhxdpv8L2kvBfshJMLfNhZWVXMGP.jpeg)
![](https://xornal.vigo.org/storage/images/opt/2t7y8uJHT7QpOxCX3iUOfJohpIfm2NeVROKkK1H6.jpeg)