Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 19 de abril de 2017

Imprimir | Enviar | | Compartir:  


Isaura Abelairas e Manel Fernández animan a seguir os Xogos Autonómicos Special Olympics de baloncesto, o sábado nas Travesas

O concelleiro de Deportes, Manel Fernández, e a concelleira de Política Social, Isaura Abelairas, que representaba tamén á Deputación, animaron á cidadanía para que se achegue este sábado 22 ao complexo das Travesas, onde se van celebrar os XXI Xogos Autonómicos de baloncesto Special Olympics Galicia para persoas con discapacidade intelectual.




A xornada deportiva, promovida pola Asociación San Francisco de Vigo, contará cuns 400 participantes, dos cales 250 son deportistas, e comezará coa inauguración do evento ás 10:45 horas. Varios pavillóns das Travesas e Balaídos serán escenario dos partidos.

Durante a presentación, o concelleiro de Deportes, Manel Fernández, afirmou que o campionato, con trofeos para os equipos vencedores pero tamén "medallas para todos porque todos deben levarse unha lembranza do torneo", vai ser un evento "emocionante e brillante", convidando á xente a "participar, ver, observar e poupar a proba".

O responsable político do deporte local sinalou a súa satisfacción "por poder contribuir á realización da actividade. É este evento, pola súa importancia, un elemento de integración, dinamización, desenvolvemento e creatividade" para os participantes, dixo.

Fernández lembrou que "nos últimos dez anos o Concello púxose a disposición de Special Olympics" para os Xogos de natación, fútbol sala, baloncesto ou mesmo atletismo, nos que "máis de 3.000 deportistas teñen celebrado as actividades nas instalacións municipais". O baloncesto volta ás Travesas tres anos despois.

Pola súa banda, Isaura Abelairas, deputada provincial e concelleira de Política Social, asegurou que Special Olympics Galicia ten "todo o noso apoio e colaboración dende a Deputación, e do Concello, para que se sintan que son da casa, son da familia, e para amosar que as discapacidades nada máis que están na mente das persoas insolidarias". Abelairas incidiu en que "queremos que se visualicen as diferentes capacidades nun ambiente o máis agradable posible".

Eladio Fernández, presidente de Special Olympics Galicia e representante da Asociación San Francisco, agradeceu o apoio municipal: "Consideramos ao Concello como alguén da nosa familia porque as portas sempre están abertas para nós co fin de mellorar a calidade de vida das persoas con dicapacidade intelectual". Lembrou que serán vinte as asociación participantes de toda Galicia: "Veñen de lonxe, de Viveiro, Burela, do Barco… A filosofía é estimular aos participantes a través da actividade física".
María e Óscar, dos deportistas da Asociación San Francisco que competirán o sábado a partires das 12:00 (hora de inicio dos partidos) convidaron a todo o mundo a non perderse a xornada, na que xogarán conforme ao seu nivel.
Mais noticias
Caballero pide unha reforma constitucional que recolla "con nomes e apelidos" as competencias municipais
O Auditorio Municipal acollerá o domingo 23 a espectáculo familiar VALADOS


Volver á portada

© Gabinete de Prensa - Concello de Vigo 2003