O alcalde anuncia sete grandes eventos deportivos a disputarse no areal de Samil este mes
O alcalde de Vigo, Abel Caballero, presentou hoxe a serie de probas do programa Vigoarena, que desenvolverá actividades deportivas en Samil dende este venres ao 31 de xullo co patrocinio da Concellería de Deportes e a organización de Evento Global. Fútbol praia, tenis praia, foot voley, balonmán praia, voley praia e cachibol encherán de competición o principal areal vigués. "Temos unha gran expectativa con esta actuación de verán porque é engadir ás praias un aliciente máis", asegurou o rexedor. Na edición de 2010 houbo 1.500 participantes "e nesta esperamos repetir esa cifra", sinalou Caballero.
O programa iníciase cun campionato valedoiro para o circuíto nacional de voleibol praia. A proba viguesa é unha das seis que se disputan en toda España. Os números un do ránking nacional tomarán parte da competición. Moitísimos xogadores procedentes de todos os puntos da xeografía nacional danse cita en Vigo para disputar un dos torneos máis prestixiosos do calendario estival. A proba desenvolverase dende este venres ao domingo 10.
Xixón, Vigo, As Palmas, Melilla, Cádiz e unha proba por determinar en Cataluña forman parte do calendario oficial puntuable para acceder á final que tamén se disputará en Cataluña nunha localidade aínda por determinar.
Hai máis de dez anos que unha proba do Nacional non chega a Vigo e máis de sete que Galicia non acolle unha destas competicións polo que o evento adquire unha maior transcendencia. A motivación será moita posto que non só están en xogo puntos importantes para acceder á final en Cataluña senón que hai 6.000 euros en xogo, 3.000 para a categoría masculina e 3.000 para a feminina.
En mulleres, a parella de Lugo composta por Ana María Vidal e Simpático Curral, que xa gañaron en Xixón son aspirantes ao título, do mesmo xeito que as primeiras clasificadas do ranking nacional,
Alejandra Simón e Andrea García. A rusa Olga Mantveeva e a española Nazaret Florián tamén terán as súas opcións. As veteranas María Campisi e Christina Hopf tamén estarán presentes na cita viguesa.
En categoría masculina xa confirmaron a súa participación os número un do ranking nacional, o brasileiro Geni Dasilva e o seu compañeiro o arxentino Lluis Badosa. Os segundos do ranking nacional, os españois Germán López e Manuel De Amo tamén estarán presentes. A parella viguesa formada por Cristóbal Álvarez e Eduardo Rodríguez tamén loitarán pola vitoria. Os campións de España sub-19 Bartolomeu Bergel e Rubén Rodríguez tampouco quixeron perderse a cita, ambos representarán a España o próximo mes de setembro na Universiada de China.
Mañá comeza a fase previa a partir das cinco da tarde no que se formarán catro grupos de catro equipos dos que sairán 8 parellas que se enfrontarán ás 8 parellas que por ranking xa están clasificadas para esa fase final.
As seguintes competicións previstas son o cachibol (14 e 21), o Campionato de Galicia de balonmán praia (16/17), con praza para o Nacional de Melilla en agosto, o Cidade de Vigo de fútbol praia (22 ao 24), o IX Cidade de Vigo de foot voley (25), o Cidade de Vigo super 80 (maiores de 35 anos) de volei praia (26/27) e o Campionato de Galicia de tenis praia (30/31), que leva tamén ao Campionato de España de Eivissa en setembro.
Descargar todas as imaxes
Xixón, Vigo, As Palmas, Melilla, Cádiz e unha proba por determinar en Cataluña forman parte do calendario oficial puntuable para acceder á final que tamén se disputará en Cataluña nunha localidade aínda por determinar.
Hai máis de dez anos que unha proba do Nacional non chega a Vigo e máis de sete que Galicia non acolle unha destas competicións polo que o evento adquire unha maior transcendencia. A motivación será moita posto que non só están en xogo puntos importantes para acceder á final en Cataluña senón que hai 6.000 euros en xogo, 3.000 para a categoría masculina e 3.000 para a feminina.
En mulleres, a parella de Lugo composta por Ana María Vidal e Simpático Curral, que xa gañaron en Xixón son aspirantes ao título, do mesmo xeito que as primeiras clasificadas do ranking nacional,
Alejandra Simón e Andrea García. A rusa Olga Mantveeva e a española Nazaret Florián tamén terán as súas opcións. As veteranas María Campisi e Christina Hopf tamén estarán presentes na cita viguesa.
En categoría masculina xa confirmaron a súa participación os número un do ranking nacional, o brasileiro Geni Dasilva e o seu compañeiro o arxentino Lluis Badosa. Os segundos do ranking nacional, os españois Germán López e Manuel De Amo tamén estarán presentes. A parella viguesa formada por Cristóbal Álvarez e Eduardo Rodríguez tamén loitarán pola vitoria. Os campións de España sub-19 Bartolomeu Bergel e Rubén Rodríguez tampouco quixeron perderse a cita, ambos representarán a España o próximo mes de setembro na Universiada de China.
Mañá comeza a fase previa a partir das cinco da tarde no que se formarán catro grupos de catro equipos dos que sairán 8 parellas que se enfrontarán ás 8 parellas que por ranking xa están clasificadas para esa fase final.
As seguintes competicións previstas son o cachibol (14 e 21), o Campionato de Galicia de balonmán praia (16/17), con praza para o Nacional de Melilla en agosto, o Cidade de Vigo de fútbol praia (22 ao 24), o IX Cidade de Vigo de foot voley (25), o Cidade de Vigo super 80 (maiores de 35 anos) de volei praia (26/27) e o Campionato de Galicia de tenis praia (30/31), que leva tamén ao Campionato de España de Eivissa en setembro.