Abel Caballero informou este xoves que o Concello amplía as dotacións do Vigo Vertical coa entrada en funcionamento a semana que vén da nova rampla mecánica desde Santo Cura de Ars ata a rúa Aragón.
Abel Caballero considera que no caso de continuar o temporal poderían aprazarse algúns concertos, concursos e o desfile. “Contactaremos cos grupos e as orquestras para buscar tempos nos que a meteoroloxía acompañe”, dixo o rexedor, que ata o de agora mantivo para este venres o pregón, a entronización do meco e a primeira actuación do Entroido. “Estaremos pendentes da evolución da meteoroloxía”, insistiu o rexedor.
"É moi importante que as nenas se habitúen aos estudos científicos e ás contribucións científicas e que sexan conscientes da súa enorme capacidade". É a mensaxe dirixida este xoves polo alcalde aos alumnos de seis centros de primaria e secundaria de Vigo con motivo da celebración, no Museo Verbum, do Día Internacional da Muller e a Nena na Ciencia.
Abel Caballero mantivo un encontro este xoves cunha representación da Plataforma Loita que procura unha “maior humanización nos nacementos por cesárea, nos partos difíciles e nos tratamentos de atención temperá aos bebés no Álvaro Cunqueiro."