O alcalde informou da posta en funcionamento do ascensor que unirá a zona de García Barbón e Vía Norte, sumando este novo elemento mecánico ao corredor que vai desde o Areal ata o Barrio de Ribadavia. Trátase dunha cofinanciada co Goberno de España a través do Plan de Recuperación, Transformación e Resiliencia dotado cos fondos europeos Next Generation EU.
Abel Caballero presentou este martes a programación de Vigocultura do primeiro trimestre de 2024, que contará cun total de 28 funcións ata o día 28 de abril. Adiantou que a rúa do Príncipe será escenario, o vindeiro sábado 3 de febreiro, do primeiro espectáculo coa representación de “O Bosque Viviente”, de Sarao Produción e Animación.
Abel Caballero detallou este martes aos alumnos do CEIP O Pombal, que participan no programa "Visita o teu Concello", as xestións e competencias que desenvolve a administración municipal para facilitar e mellorar a vida da cidadanía de Vigo. Lembrou que no ámbito educativo o goberno local favorece axudas de libros escolares por un importe de 205 euros por alumno censado na cidade olívica, e promove o coñecemento e as habilidades na aprendizaxe do inglés coas becas que mobilizan cada ano a 1.000 estudantes.