O alcalde informou este xoves da apertura dun período de 20 días hábiles para a solicitude das axudas para comedor e material escolar do alumnado de centros públicos e concertados da cidade para o vindeiro curso 2023-2024.
O rexedor deu conta, na rolda de prensa matinal, da situación actual das prazas nas Escolas Infantís Municipais onde aínda quedan vacantes en horario de mañá.
A Xunta de Goberno aprobou tamén as achegas ás familias para os libros de texto que tiveron que subsanar erros da tramitación.
O Consorcio da Zona Franca de Vigo repasa os seus 75 años de historia cunha mostra situada na rúa do Príncipe, diante do Marco e que poderá visitarse durante este mes de xuño. Esta é unha das actividades que o prepara a entidade para conmemorar o aniversario e que culminarán co Vigo Global Summit, un congreso económico o 27 e 28 de xuño, que contará coa asistencia de dous premios Nobel de Economía: Paul Krugman e Abhijit Banerjee. O alcalde, acompañado do delegado da Zona Franca de Vigo, David Regades, visitou este xoves a mostra.
Un grupo de vinte estudantes de intercambio do programa Erasmus do IES Alexandre Bóveda visitou este xoves o Concello para coñecer as instalacións municipais. Ademais puideron manter un encontro con Abel Caballero que os achegou á historia da cidade e que lles falou sobre o presente de Vigo e as oportunidades de ocio e turismo que ofrece.