Nunha sesión extraordinaria o pasado xoves, a Xunta de Goberno Local adxudicou a contratación das obras de renovación da capa de rodaxe do paso inferior de Beiramar, entre o Berbés e a rúa Areal. Ademais, validouse o texto do convenio coa Deputación para o desenvolvemento do Seafest.
Abel Caballero acudiu este luns ao Colexio Maristas el Pilar onde tivo a oportunidade de coñecer as instalacións e someterse ao cuestionario do alumnado. As nenas e nenos tiñan preparada unha sesión de preguntas para propoñerlle ao rexedor sobre a súa vida persoal e sobre a súa traxectoria política. No transcurso da entrevista, o alcalde lembroulle aos escolares a importancia do estudo e da educación que reciben por parte do profesorado no centro e dos pais e nais na casa.