Abel Caballero informou da aprobación este mércores do proxecto de reforma e acondicionamento do estacionamento, cun investimento de 1,3 millóns e catro meses de execución. Con 193 prazas en total, a obra inclúe un ascensor desde a Praza e escaleiras mecánicas cubertas desde Uruguai á Praza de Portugal.
Abel Caballero participou este xoves na plantación de árbores xunto aos alumnos do Colexio Doutor Fleming. O Concello de Vigo repuxo un total de 12.000 árbores na última década, dos que 3.500 foron en zona urbana.
O alcalde destacou que a tarxeta poderase utilizar nas piscinas municipais e que traballan co sector do taxi para poder implementar o pago. Os últimos datos apuntan a que xa foron repartidas un total de 109.971 PassVigo, das que 43.640 xa están en uso.
Abel Caballero anunciou este mércores que o Pleno Municipal para designar aos Vigueses Distinguidos e para conceder a Medalla da Cidade celebrarase o vindeiro luns, 26 de marzo. Ademais, a persoa elixida este ano para ler o Bando da Reconquista 2018 foi o xuíz Julio Picatoste.
Caballero animou esta mañá a acudir ao Ifevi entre o 28 de marzo e o 1 de abril para gozar no Parque Infantil e Familiar de Semana Santa. Tal e como se explicou en rolda de prensa, haberá actividades para todos os públicos como patinaxe, inchables ou un tren infantil.