Á iniciativa pola FEMP -presidida por Abel Caballero-, Vigo amosou este venres ante o Concello a súa "repulsa" polo atentado "cruel, inhumano e cargado de odio" de onte en Cataluña e trasladou "unha aperta chea de afecto e cariño ás vítimas, aos feridos e aos seus familiares". "Hoxe todos somos Barcelona", concluíu o alcalde.
Abel Caballero comunicoulle á directiva da comunidade de veciños do número 203-205 da rúa Travesía que o Concello manterá o operativo de vixilancia posto en marcha para ofrecerlles seguridade fronte ás ameazas dos ocupantes dunha das vivendas.
Tras aprobar este venres o expediente de contratación das obras, Caballero explicou que o investimento ascenderá aos 767.000 para crear un "marco parque infantil" totalmente renovado e ampliado, gañando o espazo dun dos actuais carrís de circulación e habilitando pasos de peóns amplos en Venezuela, similares aos da Porta do Sol.
Abel Caballero saudou este venres no Concello á familia dun neno nacido en Madrid, a quen seus pais decidiron chamar Vigo e que leva os apelidos Martínez Garrido, unha anécdota que destacou Caballero por levar un "nome e apelidos tan singulares e queridos na cidade". A nai do pequeno é viguesa, nacida en Coia, e do Celta, engadiu o rexedor, que lembrou que o ano pasado saudara tamén á familia dun bebé chamado Vigo, polo que apuntou que "están empezando a aparecer xeracións de Vigos, que é un nome marabilloso; o da cidade máis fermosa do mundo".
O alcalde de Vigo, Abel Caballero, presentou esta mañá uns obradoiros formativos para o deporte coa coordinación de Afavi, a Asociación de Fútbol Afeccionado de Vigo e que "promovemos dende o Concello", anunciou o rexedor.