O servizo de tranporte público de Vigo conta con 16 novos autobuses, dotados con USB e WIFI, ademais de rampa telescópica para o acceso de cadeiras de rodas. Tal e como explicou Caballero, Vigo é a primeira cidade galega en contar cunha flota 100% accesible.
Coa previsión dun presuposto "expansivo" que chegará ao máximo de gasto que permite a lei e que se centrará na política social, no emprego e no deporte, Caballero adiantou que nos próximos días quedará aprobado o documento, algo que o fai "feliz porque vexo que a cidade marcha". <br />
A Xunta de Goberno Local tamén deu luz verde ao expediente de contratación das obras de humanización da rúa Llorente cun importe de 218.000 euros e ao Plan de seguridade e saúde das obras de renovación das redes de saneamento e abastecemento da Avenida de Galicia en Teis.