O alcalde despediu este mércores pola mañá no aeroporto a 25 alumnas e alumnos vigueses que van estudar inglés a un centros de formación do Reino Unido grazas ás bolsas municipais de inmersión lingüística. Son estudantes de segundo curso de Bacharelato que quedaran sen a axuda no ano 2013 e que forman parte dos 617 que recibiron a bolsa este ano.
"Vigo, cidade de cor" é o programa de actividades complementarias á decoración de medianeiras e murais que comeza a desenvolverse na cidade para converter o espazo público "nun grande museo ao aire libre" e que servirá para pintar tamén os murais de varios colexios vigueses e para escoitar música na rúa.
Concluído o prazo de peticións, hoxe mércores o alcalde de Vigo informou de que se teñen recibido vinte solicitudes, cifra que se sitúa na media dos últimos anos. Como é habitual, as cacharelas pasan unha revisión previa por parte dos Bombeiros para garantir a seguridade nunha noite "máxica", en verbas de Caballero.
A Copa de España de patinaxe freestyle chega a Vigo esta fin de semana do 18 e 19 co patrocinio do Concello e a organización do Club Freestyle Slalom Vigo. O multiusos de Navia recibe a proba, que terá entrada gratuíta.