Caballero anunciou este xoves que levará ao Pleno do Consorcio unha segunda resolución, esta vez "executiva", aclarou, para que a Zona Franca constrúa a bancada de Marcador do novo estadio de Balaídos cun aparcamento que dea servizo tamén a Citroën. O rexedor confirmou que as obras en Tribuna van en prazo e concluirán en decembro deste ano.
O goberno local quere seguir a cooperar coa mellora da accesibilidade en edificios polo que ven de aprobar novas axudas para a instalación de ascensores. As novas achegas ascenden a preto de 50.000 euros. <br />
O alcalde deu conta esta mañá do "avanzado" que está o convenio que vai a asinar co Ministerio de Fomento para humanizar a Avenida de Madrid. Tal e como avanzou, os traballos ascenderán a uns 10 millóns de euros, dos que 7 lle corresponderán ao Goberno Central, mentres que os 3 restantes serán asumidos polo Concello.
Abel Caballero presentou este xoves "La gran ilusión" o espectáculo de maxia que Antonio Díaz, o Mago Pop, representará no Auditorio Mar de Vigo dende o 24 ao 26 de xuño, en cinco pases. Coñecido como unha das estrelas televisivas de Discovery Max, recibiu o Premio Nacional de Maxia e acumula 450.000 espectadores con este.<br />
Por primeira vez, o fotógrafo Valentín González (Xixón, 1955), presenta o seu traballo en Galicia. Baixo o título Círculos de confusión, reúne unha selección de trinta obras que ilustran o percorrido creativo emprendido por este singular artista, hai máis de vinte anos e que se pode visitar na sede da Fundación Laxeiro do xoves 26 de maio ata o 25 de xuño, 2016.<br />