martes, 24 marzo 2009

O Concello agardará ata despois da Semana Santa para iniciar humanizacións en máis de 20 rúas

O alcalde, Abel Caballero, afirmou este martes que as humanizacións do Plan E que non comezaron iniciarán os traballos despois da Semana Santa, para que as festas transcorran "coas menores molestias posibles". O goberno vigués adxudicou hoxe martes melloras en 10 rúas por 6,5 millóns de euros que empregarán a 223 persoas. O resto de humanizacións do "Plan Zapatero" se aprobarán o venres, adiantou o alcalde.

1237901579poeta.jpg
1237901654cruzroja.JPG

O alcalde subliña a labor da Cruz Vermella e apunta a "ampliar a relación" coa entidade

martes, 24 mar 2009

O alcalde, Abel Caballero, acudiu este martes á sede en Vigo da Cruz Vermella na rúa Ecuador para coñecer polo miúdo o traballo "moi relevante" que desempeñan e para transmitir á dirección que "temos que ampliar a nosa relación desde o Concello" coa entidade. En torno a 50 voluntarios operan coa Cruz Vermella, que conta en Vigo con varios programas de axuda aos máis necesitados.

1237902388vigolandia.jpg

O tenente de alcalde entrega os agasallos aos gañadores do concurso de pintura de Vigolandia

martes, 24 mar 2009

O tenente de alcalde, Santi Domínguez, fixo entrega este martes dos agasallos aos 17 gañadores e gañadoras do concurso de pintura convocado no marco de Vigolandia. No acto, no que tamén participou a concelleira de Benestar Social, María Méndez, e o xerente do IFEVI, Arsenio Prieto, Santi Domínguez anunciou que Afán, Comedor da Esperanza e Vida Digna serán as tres entidades entre as que se repartirán os máis de 21.000 euros recadados na edición deste ano.