martes, 17 xuñ 2008
A Xunta de Goberno Local ven de aprobar onte, fóra da orde do día, a adaptación organizativa da Mesa de Contratación á nova Lei de Contratos do Sector Público (LCSP), en vigor desde o 30 de abril.
martes, 17 xuñ 2008
A concelleira de Benestar Social, a María Méndez, anunciou este martes a ampliación do Programa de Avellantamento Activo a cinco novas entidades viguesas no mes de setembro co obxectivo de estender esta iniciativa ao "maior número posible de parroquias e barrios da cidade". María Méndez así o afirmou durante a visita que esta mañá realizou ao pavillón das Travesas, onde se estaba desenvolvendo un dos cursos que forman parte do programa, neste caso de ximnasia e recoñecemento médico.
martes, 17 xuñ 2008
A concelleira de Igualdade, Iolanda Veloso, clasusurou este xoves no CEIP O Pombal o programa "Camiña con nós pola igualdade", no que participaron máis de 2.200 de 29 centros educativos vigueses. O obxectivo desta iniciativa, radica, segundo a edil, en que a educación de nenos e nenas pase de "educación mixta a coeducación e fomentar a educación en igualdade de oportunidades entre nenos e nenas".
martes, 17 xuñ 2008
Durante catro días, Vigo, será referente para empresarios, asociacións e institucións relacionadas co sector da construción. Na segunda edición da feira da Construción de Galicia, SICO 2008, que se celebrará do 26 ao 29 de xuño no IFEVI, daranse cita máis de 400 empresas e 200 expositores, que representan a máis de 1.000 firmas estatais e internacionais.
martes, 17 xuñ 2008
A Oficina Municipal de Voluntariado, dentro da súa programación anual, organiza o seminario "Os espazos de conflito nas entidades e organizacións de inciativa social: A xestión do conflito", o próximo mércores, 25 de xuño a partir das 18.30 h. na Sala de Actividades da Biblioteca Pública Central (Casco Vello), rúa Joaquín Yáñez nº 6, <br />
