xoves, 12 xullo 2007

O presidente do Goberno de España presentou en Vigo o balance en I+D+i

O presidente do Goberno, José Luis Rodríguez Zapatero, presidiu hoxe no porto de Vigo o acto de conmemoración dos "Dous anos de Ingenio 2010", a estratexia de I+D+i do Goberno. O presidente que foi recibido polo alcalde da cidade, Abel Caballero, e estivo acompañado pola vicepresidenta primeira do Goberno, os ministros de Educación e Ciencia, Industria, Turismo e Comercio, Administracións Públicas, Sanidade e Consumo, Vivenda , do presidente da Xunta de Galicia, Emilio Pérez Touriño e conselleiros do goberno de Galicia.

1184248358zapaterofotofamilia.jpg
1184244695vueltasanti.jpg

Santi Domínguez recibiu do director de Unipublic o spot da Vuelta 2007 que sairá de Vigo

xoves, 12 xul 2007

O tenente de alcalde, Santi Domínguez, recibiu hoxe xoves do director xeral de Unipublic, Ignacio Ayuso, o spot promocional da Vuelta Ciclista a España, que sairá de Vigo o vindeiro 1 de setembro, e que foi realizado na súa meirande parte na nosa cidade. Ayuso quixo entregar persoalmente o video a Santi Domínguez porque foi con el co que negociara no seu día a saída da Vuelta desde Galiza cando era director xeral para o Deporte da Xunta.

1184241460festival.jpg

O venres comeza o XIII Festival Folclórico Internacional

xoves, 12 xul 2007

Esta nova edición chega a Vigo mañá venres, 13 de xullo, e ata o día 19 encherá a cidade de colorido, porque ademais das cinco actuacións previstas en auditorios pechados, haberá un grupo de animación polas rúas de Vigo tódolos días dende o sábado 14 ata o xoves 22 de xullo. Un ambicioso programa folclórico que ten como obxectivo a procura da convivencia entre culturas, entre homes e mulleres de países e culturas distintos. Os grupos que actuarán nesta edición do festival proceden de Cidade Real, Chile, Cuba e o Cáucaso.