O Goberno local remitiu hoxe o documento do Plan Xeral de Ordenación Municipal á Consellería de Política Territorial. A Xunta de Goberno Local, nunha convocatoria extraordinaria quedou enterada da revisión do PXOM efectuada polo equipo redactor e da remisión do expediente completo do proxecto á Consellería de Política Territorial para que informe.
A Xunta de Goberno Local aprobou, na sesión celebrada hoxe, entre outros asuntos o desenvolvemento dun curso de caixeiros/as de gran superficie, a selección de persoas do proxecto de inserción laboral Alicerce, a sinatura de convenio coa Asociación Rede de Mulleres Veciñais contra os malos tratos de Vigo e a renovación do céspede do Estadio Municipal de Balaídos.
O 4 de maio é a data de presentación da segunda edición do festival Sinsal que patrocina a concellería de Festas e Animación Sociocultural. Para a ocasión contarase cun dos grupos mais representativo del pop internacional como son os islandeses Múm.
A concelleira de Xuventude, Lucía Molares, presentou a posta en marcha do Plan Nexus co que se pretende involucrar as persoas xoves na creación de redes xuvenís a nivel local impulsando a participación nas accións programadas por esta concellería e promovendo ás actividades realizadas polos xoves.