A Xunta de Goberno Local aprobou hoxe o proxecto de convenio con Cáritas Diocesana de Tui-Vigo para a execución de proxectos de intervención social integral para a atención e prevención da marxinación e inserción do pobo xitano e cigano que reside na cidade, que terá vixencia ata finais de ano.
A concelleira delegada da área de Muller, Lucía Molares, e maila presidenta da Federación de Asociacións de Veciños Eduardo Chao, Elena González, asinaron hoxe un novo convenio co que se renova o "Punto Informa", un punto de atención ás mulleres ubicado nos locais da federación vecinal que ofrece información xeral de interese a favor da igualdade de oportunidades e a prevención da violencia de xénero.
Tras o aviso recibido polo veciño da parroquia de Alcabre D. Xosé Antón Comesaña, o Servicio Municipal de Patrimonio Histórico realizará mañán, día 6 de abril, ó rescate do mar, na zona intermareal da praia do Carril, dunha columna pétrea cilíndrica de grandes dimensións, de orixe posiblemente romana, semellante a outra xa rescatada no mesmo lugar polo Concello hai agora un ano, tamén descuberta polo citado veciño. O rescate realizarase ás 11,20 horas, aproveitando a baixamar viva a esa hora.